كلمات وأقوال وحكم

احلى كلام وجمل سرسجيه للفيس بوك

احلى كلام وجمل سرسجيه للفيس بوك يستخدمه عدد كبير من الشباب في وقتنا الحالي بهدف مواكبة لغة العصر في مشاركة الآراء، والتعبير عن جدعنة الأصدقاء، والحديث عن كافة المواقف التي يمرون بها في حياتهم ولكن بلغة عصرهم، لذا سنتشارك معكم تلك الجمل والعبارات من خلال موقع مرحبا حيث تقديم مجموعة كبيرة من العبارات التي يتم الاختيار من بينها حسب المناسب بالنسبة للشخص.

احلى كلام وجمل سرسجيه للفيس بوك

تُقال كلمة سرسجية على التعبيرات العشوائية التي يُستخدم بها الكلمات الشعبية في التعبير عن الرأي، أو في تقديم حكمة لمجموعة من الأشخاص ولكن بلغة شعبية، والتي سنعرض لكم البعض منها عبر النقاط التالية:

  • الصحاب زيهم زي العصافير، لو جيت تقصدهم في خدمة الكل هيجري ويطير.
  • لو على السكوت في منه كتير، بس لازم تعرفوا أنه مش خوف أد ما هو تكبير دماغ.
  • لكل إنسان بداية ونهاية، بس كلنا نهايتنا واحدة وهي القبور.
  • أوعى تتكبر وتبقا مغرور، دا أنت زيك زينا ابن 9 شهور.
  • زمان كانوا بيتباهوا بينا دلوقتي عاملين نفسهم نسيونا.
  • نكروا خيري، وفي أذايا أتعاونوا مع غيري.
  • صاحبي بيموت قدامي على مصلحته، لكن تعالى بص لكلبي يعلم الوفاء ويموت على صاحبه.
  • ايدي ماسكة في أيامي اللي جاية، وقلبي مات على صحابي اللي عاملين زي الحية، وبكرا هيبقا أحلى وعمري ما أسرح في يوم راح، دي ذكرياتي القديمة مليانة قسى وجراح.
  • ناس عشان صحابهم بقوا مساجين، وناس علشان البنات بقوا منسونين.
  • اصحالي دا أنا واقفلك على رجليا، أوعى تفكر إنها راحت عليا يا عنيا.
  • كل اللي يشوفني يحبني، ومعايا اللي معاشرني وفي الرزق بيبصلي.
  • خليكوا كدا بتمسكوا في الغلطة وتتعمدوا نسيان كل الصح اللي اتعمل عشانكوا.
  • راسك دي تفضل مرفوعة لفوق، اوعى تبطل تكون عنيد، ولما حد يجي يقول أنت مغرور قوله روح اقعد مع العبيد.

كلام سرسجية عن الصحاب

توجد الكثير من العبارات التي تُقال بين الصحاب وبعضهم بطريقة سرسجية يستخدمون بها الكلمات الشعبية، منها ما يقولون به الحكمة ومنها ما يصفون به الصديق الندل وقت الضيق، وفي النقاط التالية سنعرض لكم كلام سرسجيه فيس عن الصحاب:

  • روح للي يقولك أنت بطل وقوله تعالى أعلمك كل القديم.
  • رجعت الساحة علشان أخلي كله يعرف تمامه ويقف عنده، دا أنا مجرد ما بتكلم الكل بيجري ويتدارى وطريقي بيبعد عنه.
  • يا بتاع البنات هتموت ومش هتلاقي حد يشيل كفنك غير صحابك الرجالة مش النسوان.
  • بحب أوي أتكلم مع اللي مبيحبونيش، علشان أخلي الضحكة تظهر على وشي والغل يركب قلوبهم ويعيش.
  • الدنيا دي بتتحول لمجزرة في الدبيح، بس لو على الحديد فلازم فالوقت دا يسيح.
  • عيش طول عُمرك مزاول ولا إنك تعيشلك يوم جريح.
  • الألعاب الكبيرة دايمًا الدكر هو اللي بيسيطر عليها، زي الشطرنج كدا تلاقي فيه الملك بس متلاقيش الملكة.
  • عارفين البنات مش موجودين في الألعاب ليه؟ عشان البنت غالية وعمرها ما يتلعب بيها.
  • كبر دماغك واوعى تدي لحد أهمية عشان هيعملك فيها شخصية.
  • أنا عمري ما أقل من نفسي مع واحد عمره ما كان من أصلي.
  • يا صاحبي يا أبو الصحاب، متتلكمش ورايا في ضهري عشان الجدع والأصيل بيجيبلي الكلام ويقعد يصدق ويصلي.
  • الخبط والرزع بيخلي الحقيجي بالدراع.. وعجبي.
  • أخويا وصاحبي يا شقيقي، أنت اللي طول عُمرك سند وصاحب حقيقي.
  • بتقول ايه يا ابن امبارح، دا أنا سيطي في الدنيا كبير وسارح.
  • ارمي كلام برحتك، مهي قعدة النسوان نضحت على ملامحك.
  • طبع الرجولة متلاقهوش غير في الصاحب السند والمحسوس.
  • وقفلي بقا الجدعنة دي لحد ما تبطلوا النسونة.
  • شايل منك بس عُمرك ما هقولك، سايبك لما يجي يومك وساعتها عمري ما هحلك.
  • كبرها برحتك في المشية دا المتر في متر هو القفلة.
  • سوق يا صاحبي عليا عواجنك، طب كدا قولي ايه الفرق بينك وبين نسوانك.
  • أنا عمري ما اشرب وابدر، صاحبي خان العشرة وهدر.
  • الصحاب وقت الشدة تشرب وتروح، بس أنا معايا كلبي بيقف وفي الخاين بيطيح ويروح.
  • وريني كدا عندك كام وش، أصل التوهان فيهم بقا غصب عني معلش.
  • العيشة في المر وخداني، بس حب الناس مع شهرتي اللي سبقاني، مخلياني راكب الموجة وعلى اللي بيدوس عليا بتعالي.
  • ثابت في أرضي ولا عُمر حد يهزني، اسبقني أنت بكرا الكل يجي على حجري ويضمني.
  • بحب كل اللي حاببني، واللي بيكرهني حلال عليه قهرته مني.
  • التغيير دا بقا عشاني مش عشانكوا، دا يا ريت كان يرجع بيا الزمن وساعتها هقولكوا ايه اللي جاب اشكالكوا.

اقرأ أيضًا: كلام شقط بنات سرسجية

كلام شقاوة وسرسجة ستوري

تتعدد الأقاويل التي تحمل في معانيها وألفاظها “السرسجة”، لذا مهما عرضنا من عبارات لن تنتهي أبدًا، وحال كنت ترغب في وضع ستوري على الفيس بوك أو الانستجرام او الواتس آب بها كلام سرسجية، يُمكنك الاختيار من بين كلام سرسجيه فيس الذي سنعرضه لك في النقاط التالية:

  • احلم براحتك وأتمنى دا رب العباد شايلك فوق الجنة.
  • لو مفكر إن كل الضحك من قلبنا تبقا غلبان ويا عيني عليك يا عمنا.
  • ضحكة القهر بتوجع أكثر من مليون دمعة.
  • لو عايز تعرف يعني ايه هم روح اتعرف على أكتر واحد بيضحك وشيل عنه الغم.
  • صحاب مين؟ اللي فالمصلحة بيكلموك؟ ولا اللي في الشدة بيحطوك ويبعدوا عنك ويسبوك تواجه لوحدك لحد ما تموت؟ الصحاب في إجازة لحد ما الرزق يجي وتتشهر يا رياسة.
  • معاك فلوس هيعرفوك، لكن في الشدة الكل عليك هيدوس، سلملي بقا على اخوك اللي بيدعي الرجولة والجدعنة وهو في حياته شبه الأخطبوط ولا ليه لزمة والكل بيجري منه ويشوط.
  • خليك زي القطط لا متاكلش وتنكر، بس اعشق اللي تعشقه ولا عُمره يهزك ولا يعرضك للخطر، ما هي بتعشق السمك بس عُمرها في البحر ما نطت عشانه.
  • الدنيا دي الغابة اللي محتاجة عشانها نعلم عيالنا يبقوا ديابة.
  • سمعني وجعك يا كبير وعلى وجعي حط مكركروم وخليه يطير.
  • عيش علشانك مش علشان حد، هيفيد ب ايه العمل لما في النهاية هيقولوا عليك مش جدع.
  • افتخر بنفسك في حياتك عشان محدش هيفتخر بيها غيرك.
  • اوعى يصعب عليك حد عشان الصعبنيات مبتجبش غير في الفقر والعياط.
  • العيشة مرتاح متحصلش غير لما قلبك يموت ويرتاح.
  • متفكرش إنك ممكن تكسرني بسهولة، دا أنا أبويا مربيني على الرجولة.
  • عمل الذنوب مينفعش يبقا ليه مبرر ان لما تكبر تتوب، يمكن متكبرش أصلًا.
  • واكب العشم براحتك ومتزعلش منه لما يسيبك في نص الطريق وترجع لوحدك.
  • لما تلاقي صاحبك عنده نقص في الجدعنة شوفله مصلحة يطلع بيها منك وهتلاقيه بقا في قمة الجدعنة.
  • صاحبك الجدع هو اللي تلاقيه من وسط النار بيشدك، مش فالشدة بينسى ودك.
  • الجدعنة مش بالسن، يمكن تلاقي اللي أصغر منك بيعملهالك وعليك يمن.
  • لكل واحد معاملته الخاصة، ما هو مش كل المرضى بيتعالجوا بنفس الدوا.
  • خليك مستني نهايتي، بس متملش عشان هتستنى كتير.

كلام بنات سرسجية

لا تظنوا أن كلام السرسجية للشباب فقط، وإنما يُمكن لفتاة أيضًا قول بعض العبارات السرسجية كنوع من أنواع الضحك والمرح، وبعض الشباب أيضًا يقومون بمشاركة كلام سرسجيه فيس يتحدثون به عن الفتيات، والذي سنعرضه لكم من خلال النقاط التالية:

  • فكرت البت ليا، ولما دورت وراها لقتها طلعت جمعية.
  • احطك تحت رجلي لو محطتنيش فوق راسك، ايوا أنا سي السيد يا اللي أنتِ عليا بتعلي وفي الأساس تداسي.
  • البت لو بقت محور حياتك هتندم، عشان ساعات المحور بيقفل وبتضطر تروح للدائري.
  • جرب تبقا رجولة بس بطريقتها المظبوطة مش الفلوس اللي في الجيب محطوطة ومخلية النسوان هتموت عليك كأنك ظبوطة.
  • الألف خير يلزموني، والألف جنيه دي سيرتكوا وتمامكوا يا عيوني.
  • أنا مش الجدعة الوحيدة اللي في الكون بس على الأقل مش حرباية بتلون بـ 100 لون.
  • عمري ما أقل من واحد رجولة وشهامة، عشان اروح اكسب ضحكة بت متعرفش حاجة عن الحلاوة.
  • متخيش البنات هما هدفك في الحياة، ما هي اخرتها معروفة نومة ملهاش أي قومة.
  • الحلوة من حلوان؟ أنا بشبه مش ابوكي الحج الغلبان؟

اقرأ أيضًا: كلام سرسجية لحبيبتي 2023

بوستات سرسجية فيس بوك

مشاركة بوستات السرسجية من أشهر ما يقوم به الشباب في وقتنا الحالي، لذا سنتناول من خلال النقاط التالية عرض كلام سرسجيه فيس لمشاركته مع من تريدون:

  • ضربت الودع اللي أكدلي ان مفيش ولا صاحب جدع.
  • علمتك الشطارة جريت وسبقتني ونسيت إن أنا الإدارة.
  • الغربة اللي بحسها وسط أهلي وناسي هي الوحيدة اللي بتفكرني بالتربة.
  • الدنيا دي عجيبة خد وهات، بس اوعى تتفاجئ لما تنلاقي حد كان لسا قاعد جنبك ومات.
  • ما أنت لو كنت جدع مع الرجالة زي ما أنت جدع مع نسوان الحارة كان زمانك الأسد وعلى حيوانات الغابة ليك سيط وكلمة وبتتعالى.
  • حب ايه وحنان ايه دا توشكا ساب عبلة وخانها مع أشجان.
  • هتكلمني عن الرجولية أقولك بص لعشري اللي باع إبراهيم وعشان ايه؟ عشان خاطر حورية.
  • لما أنت كصاحب بتقول إنك جدع تيجي على اللي منك اتأكد ساعتها إن الكلب أحسن منك.
  • قولوني كلام أنا معرفوش ولما نفذته زعلوا وقالوا ايه دا احنا متوقعنهوش.
  • ازاي بتقول على نفسك راجل وأنت بتقول اشمعنا، ما هو دا بقا الكلام اللي ملوش أي معنى.
  • الجدع عمره ما يتهان، بس قليل الأصل في أقل المواقف بيبان.
  • زعلي مفرحك؟ يبقا كدا قاهر حضرتك.
  • حطيت سندي وصاحبي القديم جوا قلبي وعيني، ما أنا مبصدقش القديم عشان كله قشرة وصيني.
  • خليك مفكر انك في بالي، الأحسن إنك متعرفش كونك شبشب في خيالي.
  • الكوكب بحاله عايش على اللف والدوران، طبيعي يبقا دا طبع أهله وناسه.
  • هات أخرك عشان مش عايز اعلمك، أنا هاجي لحد عندك عشان بس أعلمك.
  • رجولة ايه اللي غالية عليك وأنت قاعد ولامملي العيال حواليك!
  • ارفع راسك وخليك صقر، طولا ما أنت باصص في الأرض هتعيش في الفقر.
  • العشرة عمرها ما تكون دايمة، دي لعبة الكرسي اللي بيلعبوها هي أكبر دليل على الناس اللي قاعدة وقايمة.
  • شوف حجمك أد ايه واتكلم، عشان أنت لو كبير ف لازم يكون ليك معلم.
  • الأبيض دا لون قلوبنا، والأسود نحطه على اللي يعادينا ويتمنى الموت لقلوبنا.
  • حط حلمك قصادك واربط عشانه الخيوط، رسخ أول خيط بثقة في المعبود وأخره اللي هتبذله من مجهود.
  • خليك كدا مفكر نفسك أحسن مني لحد ما يجي عليك اليوم اللي تجيلي فيه وتقولي يلا علمني.

كلام شبحنه فيس

كلام الشبحنه لا يختلف كثيرًا عن كلام سرسجيه فيس، فكلاهما يعتمد على بعض الألفاظ الشعبية في وصف الصحاب وتقديم حكم مقتبسة من المواقف الحياتية، لذا ومن خلال النقاط التالية سنستكمل عرض كلام السرسجيه الذي يُمكن مشاركته مع أصدقائك على كافة مواقع التواصل الاجتماعي:

  • اعتمد على نفسك وحافظ على اختلافك، ولا إنك تكون ألف مستنية قيمتها في الهمزة اللي بتتحط فوق راسها.
  • الجدعنة مش في إنك تجيب سيرتي، دي في دفاعك عني في غيبتي، روح ربنا يجازيك وتحتار حيرتي.
  • لو عايز الدليل على إن الناس في منها اللي ببلاش، هتلاقي جزمة جلد وواحدة تانية قماش.
  • عطيتكوا مقام أكبر منكوا لحد ما بقيتوا عليا بتتنططوا وتقلوا.
  • الناس الرخيصة اللي ببلاش، دي ناس زبالة متسواش.
  • متحطنيش تحت القانون اللي بيحكم عشان دماغي مليانة قوانين لو نزلت على الأرض هتعيشكوا.
  • حطيتوا في قايمة الناس العزاز عشان يثبتلي إن المفروض يتحط تحت الرجل ويتداس.
  • حياتي فكرتها مليانة ناس عزيزة، طلعوا كلهم ميسوش بريزة.
  • لما تيجي تتعالى علينا اعمل حسابك مش هتطول كعب رجلينا.
  • البطل في مجاله أنا الوحيد اللي معلم أجياله.
  • متقولش بابا المجال طول ما أنت لامم حواليك العيال.
  • أنت أه بالنسبالي مفيش منك 2.. بس متفكرش تشوف نفسك عليا عشان في ساعتها هتلاقيني جايب منك 200.
  • كلام ايه اللي بتقوله عن العيش والملح، مش العيش دا اللي بيتحرق عادي على النار؟ والملح دا أصله فين؟ ما هو في البحر الغدار.
  • متفكرش نفسك وصلت لأخري عشان أنت كل دا مشوفتش البداية.
  • المصلحة وحشاني عشان بتجمعلي ناسي واللي بقول عليهم أهلي وصحابي.
  • الثبات على المبدأ رزق من اللي خلقنا، دا أنا ياما سبقت وكتير حاول يلحقنا.

اقرأ أيضًا: كلام عن غدر الصحاب فيس بوك

كلام صياعه فيس

طب والسرسجة ايه غير صياعه؟ … لا فارق بين هذا وذاك، لذا سنستكمل لكم عبر النقاط التالية عرض مجموعة من عبارات بها كلام سرسجيه فيس، ولكن لا تنسوا أن بكل جملة حِكمة من حِكم السرسجية ولكن مكتوبة بطريقة عشوائية وألفاظ شعبية، ومنها:

  • متقلش من نفسك عشان عباد، وافهم كويس عن اللي يقول عليك تنك أحسن بكتير من اللي يقولك يا مدلوق.
  • لو عايز تعرف الجدع مين ابعد عن قول دا عشرة ودي حب سنين.
  • شوف نفسك براحتك بس أقف قدام مرايتك واوعى تفكر تشوفها عليا.
  • سمعت كلام كتير اتقال عليا بس كلوا بيتحط تحت رجليا.
  • أنت اخرك تعمل اللي بعمله، بس مهما حاولت عمرك ما هتعرف توصل للي وصلتله.
  • كوكبي هو دماغي.. خلصانة بشياكة.
  • أنا بعمل اللي يعجبني، واللي بعجبه بيعملني.
  • مفكرتش ولا مرة احطكوا في دماغي عشان ممشيش حافي.
  • في الوش يعمل فيها صاحبك وحبيبك، تعالى جرب تسيبه وتمشي وهتبقا أنت ونصيبك.
  • أنا ياما كملت النقص اللي فيكوا، بس عمري م أنقص لو غاب حد فيكوا.
  • ياما قولت هموت في بعده، بس ايه دا ايه دا ايه دا! دا هو دا جمال الحياة.
  • لو ظهر لي إنك بتزعل من الحق، يبقا عمرك ما كنت راجل على حق.
  • كونك لوحدك في طريق الصح دا ميخلكش تبقا زعيم في طريق الغلط.
  • الغيرة من الصحاب بتبين وفاء الكلاب.
  • قعدتك معايا اللي بقتولي فيها أن مفيش مني اتنين مبتفوقش ضميرك لما تقعد في ضهري وتتكلم عليا بالساعتين؟
  • بطلت أركز مع حد، وقررت إني اتعلم بجد.
  • أنت مين يا ابن امبارح دا أنا سيطي مسمع وسارح.
  • لو حابب تتعلم اسمع كويس قبل ما تتكلم.
  • كسرتنا للوعود هي اللي بتخلي الذكريات الحلوة اللي بينا تموت.
  • متزعلش لما ينسوك، استنى شوية وهتلاقي احتياجهم ليك بيفكرهم بيك.
  • البداية لو كانت غلط هيبقا اللي جاي كله غلط، زي أول زرار في القميص بالظبط.

مع أن كلام سرسجيه فيس غير مُتداول سوى بين فئة مُعينة من الأشخاص، إلا أن الحكم كثيرة والمواقف التي تعرض لها أصحاب تلك الأقاويل كثيرة ولا حصر لها، وهي ما تجعلهم راغبين في نقل تجاربهم ولكن ببعض الكلمات البسيطة التي تحتوي على الألفاظ المستخدمة في هذا العصر، وللأسف تلك اللغة هي أحدث تطور للغة العربية السهلة.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى